Fartein Valen-stipend 2011
NKF 16.06.2010

Sveio kommune har lyst ut "Fartein Valen-stipendet" for komponistar som i hovudsak bur og arbeidar i Noreg. Stipendet alternerar med "Fartein Valen-prisen" for utøvarar.

Tildelinga vil skje med bakgrunn i plan for bruk av stipendet, CV og dokumentasjon av tidlegare arbeid. Den som får tildelt "Fartein Valen-stipendet" må arbeida i komponisten sin heim innan eit år etter tildelinga. Opphaldet er avgrensa til 4-6 veker. Kommunen stiller bustad og arbeidsplass til rådvelde. Den tidlegare bustaden til Fartein Valen, Valenheimen, vert nytta til føremålet. Huset ligg vakkert til i rolege omgjevnader, 40 km nord for Haugesund. Huset framstår både som eit museum og eit moderne husvære. Kjøkken,  daglegstove, bad og soverom er restaurert for å tilfredsstilla moderne krav. Atmosfæren i huset er spesiell og gjer det til ein særs inspirerande arbeidsplass.

Offentliggjeringa av tildelinga skjer gjennom pressemeldingar. I tillegg vert den som får stipendet presentert under Fartein Valen-festivalen 2011 som årets komponist.

Storleiken på stipendet er kr 25.000.

Søknadsfrist er 10. september 2010 og skal sendast til "Fartein Valen-stipendet 2011"; Sveio kommune, Postboks 40, 5559 Sveio, tlf 53748000 faks 53748001. Epost Denne e-postadressen er beskyttet mot programmer som samler e-postadresser. Du må aktivere JavaScript for å kunne se adressen